Studenteksamen

Studenteksamen er ein eksamen ein tek ved slutten av ei vidaregåande utdanning og som gjev ein løyve til å studera ved universitet. Opphavleg tok ein slike eksamenar ved universitetet ein ønskte å studera ved, sidan blei han gjerne flytta til den vidaregåande utdanningsinstitusjonen ein gjekk ut frå, som gymnas.

Examen artium var ein slik eksamen i Noreg. Han er blitt erstatta av generell studiekompetanse. I Sverige hadde ein studentexamen, eller tidlegare mogenhetsexamen, fram til 1968.

Bestått studenteksamen eller liknande er knytt til markeringar av ulike slag, som russefeiring og bruk av studentlue.